იურიდიული კონსულტაცია

 

 

უფლება ბლოგი

 

ნარკოპოლიტიკის საკანონმდებლო ანალიზი

 

 

პასუხისმგებლობა და უფლებები

 

აივ ინფიცირებული დაჯარიმდა მედიკამენტ ეფავირენზის გამო

 
 
 

 

ზედოზირების შემთხვევებისას სასჯელი არ დაგეკისრებათ
ნარკო პოლიტიკა საქართველო
ლევან ჯორბენაძე
კონსულტანტი/ადვოკატი
14 აგვისტო, 2014 წელი

სამედიცინო დაწესებულებებს და ექიმებს ეკისრებოდათ ვალდებულება ზედოზირების შემთხვევები პოლიციისათვის ეცნობებინათ და მართლაც ბევრი მათგანი ემორჩილებოდა შრომის, ჯანმრთელობისა და სოციალური დაცვის მინისტრის 2000 წლის 5 დეკემბრის #239/ნ-ე ბრძანებულებას. სადავო ბრძანება ძირს უთხრიდა მსხვერპლის ან ზედოზირების შემსწრეების სურვილს შემთხვევის შესახებ სასწრაფო სამედიცინო დახმარებისათვის მიემართათ. ასეთი კანონის გამო არაერთი შემთხვევა ნარკოტიკების მომხმარებლების გარდაცვალების მიზეზი გამხდარა.

2014 წლის 11 აგვისტოს მითითებულ ბრძანებაში შევიდა ცვლილება, რომელიც უკვე ძალაშია. 2014 წლის 11 აგვისტოდან სამედიცინო სერვისის მიმწოდებლებს აღარ აქვთ ვალდებულება ნარკოტიკული ზედოზირების მდგომარეობის შემთხვევაში აცნობონ პოლიციას. 12 აგვისტოს ინფორმაცია ასეთი ცვლილების შესახებ მედიაში აქტიურად გავრცელდა, როგორც შინაგან საქმეთა სამინისტროს წარმომადგენელი აღნიშნავდა ამავე სამინისტროში იყო ე.წ. შიდა ბრძანება, რომ პოლიციას არ მოეხდინა რეაგირება ზედოზირების შემთხვევებზე - ამგვარად ბოლო ორი წლის განმავლობაში იყო დე ფაქტო და ამჟამად კი დე იურე სიტუაციაა.     

ახალი ცვლილებები ნარკო კანონმდებლობაში პროგრესული ნაბიჯია, მაგრამ საქართველო რეგიონში ისევ ერთ-ერთი ყველაზე მკაცრი ნარკოპოლიტიკა აქვს და ამ ქვეყნის „ანგარიშზეა“ ძალიან ბევრი მსხვერპლი პიროვნება და ოჯახი.

მოქმედი კანონმდებლობით ნარკოტიკების მოხმარება, მცირე ოდენობით შენახვა და შეძენა პირადი მოხმარების მიზნით დასჯადია 500 ლარი ჯარიმით ან ერთი თვით ადმინისტრაციული პატიმრობით. ამავე დროს 1 წლის განმავლობაში ამავე დანაშაულის გამეორება ითვალისწინებს ნარკოტიკების მომხმარებლის წინააღმდეგ სისხლისსამართლებრივ დევნას და სასჯელად ზოგჯერ 5000 ლარის ჯარიმას და 1 წლამდე თავისუფლების აღკვეთას, მაგრამ ჩამოყალიბებული არაჰუმანური და ბუნდოვანი პრაქტიკის გამო ნარკოტიკების მომხმარებლების უმრავლესობა ისჯება სისხლის სამართლის კოდექსის 260-ე მუხლითაც, რაც გულისხმობს 11, 7-14 წლამდე ან უვადო თავისუფლების აღკვეთას, ამავე დროს ფუნდამენტური სამოქალაქო უფლებების ჩამორთმევას. გასათვალისწინებელია, რომ არ არსებობს ნარკოტიკების კატეგორიზაცია და რაიმე პრაქტიკული განსხვავება დილერს, იშვიათ მომხმარებელს, კომერციულ დილერს და ნარკოტიკებზე დამოკიდებულ მომხმარებლებს შორის.    

საქართველოს მოქმედი კანონმდებლობა ნარკოტიკული ნივთიერებების მოხმარების დეფაქტო დეკრიმინალიზაციის საშუალებას იძლევა, მაგრამ ამჟამადაც ხელისუფლებაში არ არის პოლიტიკური ნება პრაგმატული ნარკოპოლიტიკის განხორციელებისათვის, ადამიანების სიცოცხლის, საზოგადოების ჯანმრთელობის და ინტერესების დასაცავად.

 

ისარგებლეთ იურიდიული კონსულტაციით